為灌輸市民預防禽流感嘅知識，林嘉欣早前聯同衞生署嘅醫生拍攝咗啲宣傳片。嘉欣話每次見到有關禽流感嘅個案，都會令佢心情好波動，尤其係接近香港地區發生嘅個案，佢話：「我時刻都會提醒自己同身邊嘅人要勤洗手，有病就要戴口罩，有需要就打針，最重要就係自己要有抵抗力，食多啲有益嘅食物同多做運動。」