成龍前晚在金鐘港麗酒店慶祝憑《新警察故事》奪內地金雞獎最佳男主角，好友狄龍夫婦、謝賢、沈殿霞、鄒文懷伉儷和陳子聰等均有到賀，近日被傳婚變的林子祥和葉蒨文亦恩愛亮相。
甚感光榮
成龍大談得獎感受：「今次得獎，可以話係我贏轉型，我喺《新警察故事》嘅角色同以前唔同，相信評審係睇得出。」
成龍希望能成為亞洲羅拔迪尼路，同時更以奪內地影帝為榮，他說：「大家要以得到中國嘅獎項為榮，唔好淨係推崇外國嘅獎項，我哋要令史匹堡都要以攞到中國獎項為榮。」
成龍續說：「下個月我會演出《BB計劃》，跟住再拍爾冬陞一部戲，出年七月會再接《火拼時速3》，我拍呢部戲有二千萬美金（約一億五千五百萬港元）片酬，重有分紅，並唔係傳聞話我只有千五萬美金片酬。」
採訪：魯萍、馬華、何永寧
攝影：林德雄、陳偉權
