久未露面嘅洪朝豐﹙圖中﹚前晚去咗文化中心音樂廳出席「粵劇發展基金成立暨籌款晚會」，多位大老倌龍貫天、李龍、陳詠儀同南鳳等獻唱折子戲，成個晚會幫基金籌得超過一千二百五十萬。擔任基金執行委員嘅陳劍聲話晚會同八和會館無關，而李香琴擔任晚會嘅顧問，佢好感激商界同熱心人士捐款，令粵劇界繼續百花齊放喎。