上月啱啱喺美國華盛頓肯尼廸中心，獲選為全球三大最具影響力珠寶設計師嘅羅啟妍，早排響中國會舉行四年來首個珠寶展，吸引咗特首夫人曾鮑笑薇及一班名人捧場掃貨。
多年來都有幫襯嘅陳方安生及眾人媽打李麗娟，做咗退休手袋黨，無官一身輕，自然多咗時間shopping、欣賞藝術品。
陳太同李麗娟一到場，就拉住羅啟妍雞啄唔斷，話佢無咗太古廣場間舖後，非常唔方便，叫她要多啲搞exhibition，順便推廣吓本地設計咁話，最後重每人買咗少少首飾先走。
本地設計師羅啟妍響劍橋大學及倫敦大學畢業，主修西方歷史，從無受過正統珠寶設計訓練，無師自通下投身珠寶創作，七九年首個系列嘅三十二件作品，一出就俾紐約卡地亞全數買下。近年就醉心中國文化，重出版咗四本同中國家具及民間生活有關嘅著作。
傳真︰2623-9278
電郵︰[email protected]
