深圳航空公司為咗令乘客搭長途機時冇咁枯燥，推出由空姐主持嘅十蚊（人民幣．下同）機票拍賣會，反應相當唔錯。好似日前由深圳飛去烏魯木齊嘅航班上，空姐拍賣一張深圳至桂林嘅機票，全價要六百六十蚊，一年內有效。結果吸引好多乘客叫價，競爭好激烈。最後以三百一十蚊成交。據深航講，呢個月頭十一日已經拍賣咗六十八張機票。 亞太經貿版新增電郵：[email protected]，歡迎讀者來信。