韓國電影《我的馬拉松Marathon》是根據真人真事改編，由《假如愛有天意》男主角曹承佑主演，老實講我無睇過《假》，所以對曹承佑的演技無特別評語，只知佢係火速上位嘅新進男演員，但戲中所演的自閉症青年，既純真又可愛，充份表現到角色的內心世界，及令外間能更了解自閉症的情況。導演鄭胤澈盡心盡力拍《我》，話唔想拍得太煽情，不過睇完齣戲後，都係感覺較屬煽情版。另一女角金美淑演曹承佑阿媽，但我最鍾意係演潦倒教練的李基榮，乞人憎得嚟又好搞鬼。整齣戲好似《阿甘正傳》嘅韓版，一樣係咁跑嚟跑去。
故事以母子倆的感情為主打，草原（曹承佑）自小患了自閉症，母親為了照顧他，被丈夫離棄，周圍的人也歧視他們。當發現草原喜歡了跑步後，母親盡力幫他達成夢想，在這過程中，草原一家深深體會到各人的內心世界，及怎樣一起共同度過。DVD附有粵語及韓語任君選擇，另加送一條斑馬紋毛巾，重有隻Bonus，大家睇完齣戲不妨睇埋裏面出現的主角真人版。提提眼淺的觀眾，睇時記得拎定紙巾。
文：盧曹珠