誠品書店喺台灣無人不識，即使香港，佢喺文化界或年輕人心目中亦頗具名氣。耗資二億三千萬港幣打造、藏書百萬冊，號稱全台最大嘅誠品旗艦店，下月中喺台北商業中心區——信義計畫區開張，有望成為台灣出版界同埋書店嘅地標。毗鄰捷運市政府站與新光三越百貨嘅誠品旗艦店，佢嘅規模喺亞洲僅次於北京西單書城。聽講，讀者要行誠品旗艦店，一日絕對行唔完。