董建華伯伯雖然逐漸遠離市民視線，而佢家族嘅公司東方海外，股價亦較高峯期跌咗唔少，但在財經界仍保持知名度。噚日公司公布咗旗下董事今年酬金，其中董建華細佬、東方海外主席董建成，截至今年底止全年酬金為503.5萬元，財務總裁沈力恆則為280.16萬元，至於今年5月至做董事嘅董建華二仔董立新，8個月酬金就有120萬元。另外，公司會參考3人表現另發酌情花紅。
睇番04年年報，當時未有具名公布董事薪酬，而最高薪者去年年薪達1500萬元，相信非董建成莫屬，計落佢份花紅和味過嗰份董事酬金。不過呢啲都濕碎，因為收息肯定多過呢筆數多多聲。但係今年公司股價回落，唔知酬金會唔會跟住減。