特區政府噚朝早搞單梁展文事件，煲呔同孫公頭都大埋，財爺唐英年又好彩咁啱唔喺香港，原來佢老哥去咗北京，出席「第九屆北京．香港經濟合作研討洽談會」開幕儀式，重喺會上致辭。佢又同北京市市長王岐山同市委書記劉淇會面。
王岐山真係識講嘢，佢話北京市有好多嘢要向香港學習，好似司機喺香港就好守規矩，去到北京就唔同晒樣，呢個真係有排學啦。
唐唐之後重喺北京主持香港名表中心開幕典禮，八方聽聞，唐唐今日會喺北京拜訪吓朋友，聽日去湖北出席香港周，星期五佢重會去埋上海先返香港。
傳真︰2623-9278
電郵︰[email protected]