較早前一直傳話，田少同煲呔關係麻麻，喺立法會午宴都面左左，但睇嚟佢哋嘅關係，𠵱家已經撥開雲霧見青天。田少話，𠵱家煲呔做特首做得好，支持政府嘅工作都輕鬆咗好多，唔使好似以前（即老董時期）咁辛苦！
田少噚日同傳媒茶敍，佢話自由黨𠵱家每月都會同煲呔會面，其實雙方合作無間，都唔知幾合拍！
不過，田少都係對政改有啲意見，好似噚日喺立法會討論政改咁，田少就批評肥龍個區議會方案違背人大常委會決定，無端端將功能組別分為「非傳統」同「傳統」兩類，代表商界啲議席畀區議會溝淡晒，與其加呢啲功能組別，不如加多啲直選好過。田少係商界代表都咁講，煲呔同肥龍睇怕都冇聲出。
傳真︰2623-9278
電郵︰[email protected]