樂壇新人王菀之、梁靖琪（Toby）、組合Soler及Krusty等昨日到將軍澳出席某雜誌舉辦的新人頒獎禮，Toby以超短裙在台上獻唱，搶盡眾新人的風頭。
Toby自爆近日與葉宇澄同時受到電話騷擾，她說：「好多時打電話嚟都唔出聲，可能嗰個人以為我哋拍拖，次次打完畀我就打畀葉宇澄，葉宇澄重試過聽到女人嘅呻吟聲㖭！不過我同佢就冇可能發展，因為我接受唔到姊弟戀。」
阿嵐招蜂蝶
而Krusty則表示近日做了多場酒吧騷，她們說：「我哋由第一場冇人理，唱到最尾嗰場終於有啲反應，有人重買埋我哋隻碟攞簽名㖭，最搞笑係一個三十歲嘅酒客竟然喺台上向阿嵐（活己嵐）求婚！」
採訪、攝影：駱華齡