一提起廉署，大家都會第一時間諗起飲咖啡，但除咗飲咖啡之外，廉署重有一樣嘢都好出名，你估係咩嘢？之唔係廉署嘅廣告囉！
相信大家都記得廉署出過好多令人印象深刻嘅經典廣告，好似九五年嘅黑白不分、指鹿為馬「真相謊言」系列，大家都記憶猶新。噚日廉署又推出新一輯名為「完美世界」嘅廣告，以倒鏡形式表達，透過市民日常生活中會遇到嘅小問題，例如倒瀉牛奶、跌爛手機、俾馬路邊嘅污糟水整濕身（圖）等，一旦發生咗就唔能夠復原，亦唔會自動解決，帶出貪污問題係唔會自動消失嘅訊息，鼓勵市民挺身舉報，打擊貪污。
傳真︰2623-9278
電郵︰[email protected]