前任房屋及規劃地政局常任秘書長梁展文今日正式退休，佢本來可以開開心心食長糧，但點知好衰唔衰，喺臨退休之前整單嘉亨灣事件，俾人鬧官商勾結，聲譽大損，領匯成功上市都笑唔出，唔少高官更同佢劃清界線，覺得佢好有問題，佢今日重要上立法會帳委會俾議員質詢。
不過，CM（梁展文英文名）話晒做咗三十九年公務員，點都總會有人撐。好似噚日咁，就有一班嚟自建築界、測量界、工程界、規劃界嘅業內人士，寫咗封公開信，又話要向佢處事進取、作風開放同勇於承擔致敬，又話要祝福佢，重話社會對嘉亨灣事件嘅評論趨向情緒化，對梁展文唔公平。
封信話晒都有成百人簽名，梁生到今日都有知心友，應該高興先啱！
傳真︰2623-9278
電郵︰[email protected]