早排因傳聞有大陸炒家被斬倉，銀建國際（171）股價曾經被質穿2元，但在大戶力頂下終見反彈。市傳將有好消息公布。
傳聞中嘅好消息終於曝光，其一係銀建簽多三百幾億元人民幣的不良資產；其二就係與花旗再度合作，一齊投資處理不良資產的合營企業。
經紀黃話，呢單消息反映上次急跌只係個別事件，公司生意一切如常。上次股價急跌，其實造就咗一次低位入貨機會。今次好消息公布，斷估都會對股價有多少幫助。銀建上周五跌2%，收2.45元，成交金額3206萬元。
另外，泛海酒店（292）股價早排由2元樓上跌落嚟，當時已成為市場熱門話題，最離奇就係泛海酒店早排再在低位配股，但股價竟然照跌可也，沽盤重好似源源不絕，走勢之古怪，可以列入今年股壇怪事之一。
泛海酒店上周五再跌7.86%，收0.129元。經紀陳話，有唔少客仔好想買入博反彈，但小初就覺得呢單嘢有古怪，所以唔敢博。
慕容小初