半年一度的香港佳士得拍賣會，噚日喺會展揭幕，有7幅林風眠作品拍賣嘅電盈前副主席張永霖一早到場，除咗「送七個女出嫁」以外，佢睇中咗8至10幅新畫，打算競投。
華華問佢對7幅林風眠作品點睇，張永霖笑笑口話，即使七幅畫都賣唔出，咪拎番屋企囉，因為全部都係心頭所愛，佢又話自己係全職義工無收入，所以只能以畫易畫，去收購新嘅作品，除咗中國畫之外，近日又買入俄羅斯油畫。
早前有人問佢收藏品數量，佢梗係唔答，之後就畀人話佢故弄玄虛，所以佢叫華華一定要幫佢澄清，事關問一個收藏家嘅藏量，等於第一次見到個女人就問佢三圍數字一樣，正常嘅都唔會答你啦！
李華華