「啲火燒到張碌架床着晒火，但兩個細路重唔識走，儍儍哋咁企喺廳度，咪即刻拉佢哋出嚟，同叫佢走……」任職廚房的鍾先生，昨在火場樓上的家中接受訪問，講述救人經過時表示，若不是他及時落樓下火場救出兩童，兩童可能會被燒死。
「我屋企火燭」
鍾與四名家人同住，他昨日休假與母親往酒樓用膳後，他獨自返家，一開門入屋，赫見客廳窗口有濃煙從樓下湧上，即走近窗邊查看煙從何來，發現是樓下單位客廳窗口有煙冒出，大聲問樓下發生何事，一名男童回應：「我屋企火燭！」鍾聞悉大驚再問：「搞唔搞得掂？」有男童答道：「搞得掂！」
鍾發現樓下湧出的濃煙愈來愈大，擔心小童安危，馬上落樓看個究竟，當時火場單位鐵閘沒上鎖，但木門關合，他拍門時一男童應門，他望入屋內，只見放於廳間的一張碌架床已燒爛，火勢並向四周蔓延，但兩童仍呆在一旁不識逃走，他即拉出兩童，並叫他們立刻逃落地下。
問及救人時有否擔心個人的安危，鍾說「唔驚」，並對能救回兩童感到很開心。
本報記者