早前拍攝跳城受腳傷的劉德華在河北省拍攝《墨攻》，當地的酒店設備很簡陋，單是洗澡問題已令華仔很困擾，原來當地沒熱水供應，華仔要自行買熱水爐和浴缸，但有了熱水卻又沒有凍水。
張之亮導演、劉德華、吳奇隆與范冰冰主演的《墨攻》在河北省拍攝，由於當地很樸素簡陋，設備不足，華仔所下榻的酒店房間竟連熱水都不能提供，華仔只好與助手到街外買一個熱水爐回酒店用，想不到在房間安裝了熱水爐，凍水又沒有了，令華仔為之氣結。
傷腳套支架戲照拍
昨日飾演革離的華仔與吳奇隆等在當地一個影城，拍攝一場千軍萬馬攻城的場面時，華仔接受了來自中港台的傳媒訪問，他的腳早前因拍此部戲受傷，但華仔左腳套了支架，在現場總算可以繼續拍攝，但回到酒店洗澡時，華仔就要將支架除掉。
華仔表示：「喺呢度拍戲，最大問題係沖涼，買咗個熱水爐嚟沖涼，點知校咗熱水就冇凍水，房間又冇浴缸，只得花灑，我又要買個浴缸，然後每日收工返到房，第一時間要放一缸熱水，然後等啲水冇咁熱先至可以沖得涼。」
「拍攝環境未算差」
華仔表示，如果不是每日開工弄得滿身汗和灰塵，有時回到酒店房間太累的話，他倒是不想大費周章去洗澡，華仔笑言：「要搞一輪先沖得涼，真係幾煩。不過如果講拍戲環境差，今次又唔夠拍《天下無賊》嗰時喺烏克蘭差，嗰陣真係冇啖好食，呢度都叫做有嘢食吓！」
河北直擊
採訪、攝影：曾小嘉
