嘉禾娛樂老闆鄒文懷日前接受港台《舊日的足跡》訪問，他說：「佢嘅逝世影響非常之大，唔係剩係話一個大明星、搖錢樹忽然冇咗啦，我哋友誼發展好好，已經唔係公司同明星嘅關係，佢有乜嘢事都嚟搵我問我，係關係好好嘅朋友。」
談到李小龍的為人，鄒文懷大讚說：「佢係一個好正直嘅人，好忠於佢自己感覺做嘅嘢，而且係非常非常之認真，每樣嘢做得非常徹底，佢研究拳術，會好辛苦將世界出名嘅拳賽，由西洋拳擊到日本嘅嗰啲角力，俄羅斯影片，所有買得到都買返嚟一格一格咁睇。」
鄒文懷又表示李小龍生前喜歡相約三五知己食飯談天度生日，除喜歡日本菜外，更對炒牛河和鮑魚情有獨鍾，他說：「佢鍾意食炒牛河再加一隻鮑魚，食得好開心。」