郭可盈和林文龍結婚一年多，由於他們拍拖八年才結婚，故此非常了解對方。郭可盈一向給人很強的感覺，問她在現實生活中，是否扮演小女人？可盈說：「現實生活我都好強，我會有自己嘅意見，絕對唔係小女人。」可盈不諱言夫妻相處總有拗撬，但很快就會冰釋前嫌，她說：「每當我有乜嘢事，只要文龍用行動默默支持我，就會好warm。」
文龍獨承壓力
可盈大讚文龍是細心體貼的好丈夫，她說：「直至𠵱家都十年，我哋嘅關係仍然係熱戀階段。坦白講，文龍唔係好浪漫嘅人，同我啱啱相反，但佢真心真意對我，特別喺生活小節上照顧得我無微不至，呢啲關懷遠比佢刻意營造浪漫嚟𠱁我嚟得直接。」
談到可盈的事業發展一直比文龍順暢，問她平時會否心理輔導文龍？可盈說：「我從來唔需要同文龍做任何輔導，佢份人EQ好高，對我從來冇講過佢自己半點唔開心，因為佢話唔想影響身邊嘅人，有乜嘢就由佢一個嚟承擔晒就得。」
響應特首呼籲
兩夫婦結婚一年多，何時才有造人大計？今天剛好三十六歲生日的可盈說：「再遲啲先啦，四十歲之前我會生BB，我想生兩至三個，仔女都冇所謂，我響應曾蔭權呼籲大家生三個嘅提議。」