五十歲的黃小燕，外表看來仍很年輕，但身體比許多老人家還要差。阿燕患有心臟病、糖尿病，雙腳不斷退化，現不良於行，獨居的她，試過多次在家暈倒失救，生命沒有保障。蘋果日報慈善基金有見阿燕缺乏支援，早前從「平安鐘專戶」撥款資助她安裝平安鐘，以備不時之需。
「我十幾廿歲女已經填咗器官捐贈卡，諗住幫吓人，點知老來身體咁差，𠵱家就算我肯捐都冇人要。」阿燕自嘲自諷說。
糖尿上眼患心臟病
單親的阿燕，當年獨力照顧一對子女，她為口奔馳，終日營營役役。阿燕二十年前患上糖尿病，近年情況惡化，出現「糖尿上眼」等併發症，雙眼視力受損；兩年前，阿燕又發現患上心臟病，今年四月接受「通波仔」手術。
她歎道︰「做完手術情況都係差不多，心口成日頂住，好似透唔到氣咁，行幾級樓梯都好辛苦。」
自從患上心臟病後，阿燕經常要往返醫院覆診，加上糖尿病愈趨嚴重，她被迫辭去停車場收銀員工作，靠綜援金生活。
「𠵱家我每日要打兩次胰島素針，但唔知係咪藥物敏感，打完針之後成日唔舒服，神志不清，試過幾次重突然暈低，我一個人住，最怕有咁情況。」
年齡不合政府資助
阿燕兩名子女已婚遷出，現陪伴她的，只有兩隻小狗。「我試過幾次暈喺屋企半個鐘頭都冇人知，最後靠兩隻狗仔舔醒我，我擔心唔係次次都咁好彩，所以想裝番部平安鐘，有乜唔妥都可以㩒鐘搵人幫我。」
阿燕未滿六十五歲，不符合政府資助安裝平安鐘資格，她又無力負擔有關費用。蘋果日報慈善基金較早前於「平安鐘專戶」撥款二千五百元，資助阿燕安裝平安鐘，並永久免費享用由長期安居服務協會提供的二十四小時緊急支援服務。
安居會職工已於上月初替阿燕完成安裝程序，她感激之餘，亦覺安心很多。「以前我都幾抗拒『平安鐘』，覺得自己重後生，唔需要用；但𠵱家我會面對現實，因為呢部鐘真係幫到我，唔使再驚病發冇人知。」
專戶募集善長捐款
為讓未符合政府資助資格的獨居體弱長者、長期病患者及傷殘人士得享平安鐘服務，蘋果日報慈善基金設立「平安鐘專戶」，善長每捐一百元，便可資助一名有需要人士免費使用平安鐘一個月；捐二千五百元可令其終身使用有關服務。
「平安鐘專戶」捐款編號：C0650
暖流熱線
電話：29908688
傳真：23702192
電郵：[email protected]
