八十四歲生日的何鴻燊展開連場壽宴，前晚與三太在珍寶海鮮舫慶生辰，昨晚則與四太嘴對嘴錫住過。他強調自己仍然fit，全靠太太照顧。
賭王何鴻燊昨日八十四歲生日，一如往昔，馬不停蹄地出席各房姨太太的連串壽宴。三姨太陳婉珍前晚搶先與賭王祝壽，而生日正場就與得寵四姨太梁安琪過，二太藍瓊纓則改為過農曆生日。
切蛋糕四萬咁口
三姨太陳婉珍前晚率先在珍寶海鮮舫，為賭王擺十五圍壽宴。七時多，三太拖着賭王坐船到場，賭王說：「太太送咗一隻古董銀雞同好多古玩畀我，到今晚為止，係我最鍾意嘅禮物。」而三太則說：「唔係拍賣品，係我用好多時間四圍搵，三百年歷史，真係好難搵！」
壽星公何鴻燊前晚心情極佳，切壽桃形蛋糕時，笑到見牙唔見眼，更說：「我重好fit！真係多謝太太照顧我！」而元配黎婉華所生的兒孫，如何超雄及孫女何家華，而盛傳精神出現問題的女兒何超英，亦在看護下罕有露面，何鴻燊見狀欣喜得伸手迎接。
「送埋個心畀你」
而昨早賭旺如常上午由四太梁安琪家出發，再穿梭三太及淺水灣一號大宅。夜晚則先到田北俊家，再出席由四姨太梁安琪在澳門賽馬會「金潮閣」設的壽宴。
而四姨太梁安琪見老公即時衝出接待，更與賭王嘴對嘴錫一啖，兩人更連錫兩次，賭王一副冧樣說：「我以為你送翡翠玉墜，重買定條金鏈襯，咁樣慳咗少少喎！」四太就補鑊說：「咁我送埋個心畀你囉！」十姑娘女兒麥慧貞、楊受成夫婦等亦有到賀。
賭王昨日生日，但仍避不開十姑娘「追數」困擾。他在信德勞氣地說：「十姑娘真係太過離譜，成日話澳娛爭佢幾十億，我哋咁大間公司，斗零都冇爭佢！一間大公司，梗係要留番幾百億儲備，係好正常！若果佢再咁做，更加令我要用法律途徑嚟解决。」
採訪：梁錦雯、娛樂突發組
攝影：陳偉權、葉君海
