周慧敏（Vivian）前晚於數碼港艾美酒店擔任鑽飾模特兒，她佩戴全球最大的印記鑽石、達二十點七卡的彩黃鑽吊墜，價值過千萬，豔壓全場。問Vivian其男友倪震有否送過鑽石給她，她說：「佢送咗一隻狗四隻貓畀我，已經係無價寶啦。」
周慧敏前晚與陳嘉容及樂基兒等一眾名模，在數碼港艾美酒店為「TheForevermarkCelebration」慶典擔任模特兒，當晚Vivian佩戴全球最大的印記鑽石、重二十點七卡、價值逾千萬的彩黃鑽吊墜，大會亦送上一條重三卡的鑽石頸鏈給她，Vivian稱會送給母親。
自嘲不會欣賞
Vivian表示以往不懂得欣賞鑽石，但現在終於明白到「Diamondisgirl'sbestfriend」這個道理，她說：「細個同啲大人行珠寶店時，我覺得好悶，不過今次戴咁名貴嘅鑽石，真係興奮到唔想除。」
Vivian透露早年其母曾將有紀念性的鑽石送給她，不過當時她竟拒絕收下，她續說：「我同媽咪講我唔識欣賞，重叫佢畀其他人，之後佢就好唔開心，最後我都收咗，不過我𠵱家都唔知傳畀邊個，唔通畀啲貓仔咩。」
問到Vivian其男友倪震有否送過鑽石給她，她說：「佢送咗一隻狗四隻貓畀我，已經係無價寶啦，佢以前都問過我要唔要，我答佢唔識欣賞，但係佢送嘅話，我又唔會抗拒。」Vivian更指假若倪震向她求婚應送上鑽戒，因她覺得這是基本動作。
如廁遺失鑽戒
此外，余安安及應采兒當晚亦有到場睇騷。余安安指曾遺失了一隻有紀念性的鑽戒，她說：「我拍第一套戲《大家樂》時片酬得三千蚊，當時買咗隻五十幾份鑽戒畀自己，點知坐飛機去廁所時就唔見咗，到𠵱家我都耿耿於懷。」
採訪：魯萍 攝影：林德雄
