好多揸Turbo車嘅朋友，都會安裝一個Turbotimer，用以保護引擎，APEXi都算係其中熱門牌子，不過最近市面有一款九成似嘅假貨出現，今次我哋就教你分辨真同假。
記者：伍旋卓
Turbotimer會延遲熄引擎嘅時間，好讓機油可以冷卻渦輪引擎，保護各組機件，而APEXi嘅Timer都算係車主熱門用品，不過最近就出現一批假貨，除咗當新貨賣，重會以二手零件響元朗嘅劏車場或網上出現，根據廠方提供嘅資料，原來真貨同假貨之間有三個分別，大家睜大雙眼睇清楚。
真貨薄啲
真嘅APEXitimer厚度係0.95cm，而假貨嘅厚度係1.11cm，由圖中所見，假貨嘅接合位好差。
多啲配件
配件方面，真貨在連接器上有貨品編號，接駁線有不同圖案和顏色，還配有一組紅色的快速接駁器，假貨就無㗎。
熄機係紅字
平時無着機，真Timer個數字顯示係紅色，而假貨就灰色，你買二手零件時，可以用呢個方法睇真假。
