八方聽聞，最近有人向煲呔身邊嘅新聞處處長蔡瑩璧打主意，游說佢去北京接梁寶榮個位，做第二任駐京辦主任，不過，蔡小姐都係擰頭唔肯制。其實駐京即係喺天子腳下行走，有乜唔好？摸熟中南海嘅門路，將來一世無憂，加上祖國近年冒起得咁快，做咗世界工廠，實在榮耀到極，八方都唔知班港官諗乜。
蔡小姐無意為之，不過，聽講曾經做過駐京辦副主任嘅譚榮邦就好有心，佢老哥愛聽京劇愛到發燒，如果個位降至D6，就啱晒佢，煲呔點解未批，要佢自己先知。至於眾人媽打李麗娟個位亦未有繼任人，駐英嘅林鄭月娥係明日之星，煲呔唔知捨唔捨得佢做大公關個位。
傳真︰2623-9278
電郵︰[email protected]