林嘉欣、楊崢和周麗淇等前晚在中環出席時裝騷，谷胸性感行騷的徐子淇接受訪問時，遭男狂迷近距離高舉相機影胸口，嚇得她怒罵：「咁變態，要睇睇鹹書啦！」
美國時裝品牌MarcJacobs前晚在中環置地廣場一樓的CafeLandmark舉行○六ResortCollection時裝騷，林嘉欣、周麗淇、楊崢、鄧麗欣及傅穎等，均獲贊助穿新裝亮相。徐子淇率領一班外籍模特兒行騷，她先以大露背裝打頭陣，再穿低胸連身裙，引來不少男士在二樓以鳥瞰角度瘋狂拍照。
斥行為變態
騷後，徐子淇穿tubedress接受訪問，「偷拍」男士更趁亂混入記者群中，用手提電話及相機近距離對準徐子淇酥胸狂影。徐子淇初時誤以為是記者影相，從容地笑臉相對，但記者提示她情況有異時，徐子淇即嚇得大叫說：「嘩！乜啲人咁變態呀，要睇睇鹹書啦！」
驚魂甫定，徐子淇謂早已做足安全措施，她說：「早知披條巾先做訪問啦，其實着呢條裙我已經貼咗半卷膠紙，因為綵排時，行行吓跣落嚟條腰度，當然有着底衫，但今日冇，好危險。」徐子淇忽然上圍豐滿，她可有谷胸上陣？徐子淇說：「唔係專登㗎，燈光效果啫。我今日已經冇得用bra，再用埋咪谷到上頸？」問她性感行騷，男友可有投訴？徐子淇說：「佢好少理我工作嘅事。」
林嘉欣紮腰
到場睇騷的林嘉欣穿上露背米白色裙，顯得她身形略胖及腰粗，她率直地說：「我叫咗助手拉緊啲，有咁窄得咁窄。」
而鄧麗欣與傅穎首次出席MJ活動，兩人最初講買聖誕禮物，後來卻變成講買安全套，鄧麗欣說：「我試過一次去台灣行性商品店，諗住冇乜人認得，買啲古怪得意嘅condom送畀人，點知行行吓，忽然有成班香港人入舖，嚇到我即刻走。」
採訪：JessicaNgan
攝影：EdwardChou
