領匯上市股價飛升，唐司長孫局長馬局長蘇總裁一定飲得杯落，CM梁就尷尬少少，至於小市民小股東，他日領匯擺脫官僚積習，為大家增值，都值得開心。
嗱，星巴克噚日宣布搞兩項聖誕慈善活動，一個係「PlaySanta」玩具募捐，一個係星巴克聖誕隨行杯籌款活動，以支持「聖誕愛心大行動」。呢個聖誕愛心大行動舉辦多年，已成為重要嘅聖誕籌款善舉，領匯好識做，提供龍翔中心嘅場地畀星巴克舉行活動揭幕儀式。提供個場，其實值乜錢，但對改善領匯形象就有幫助；搞慈善活動，正好扭轉領匯只係加租不顧民生嘅印象。呢啲公關，官僚又點識做？
講番PlaySanta玩具募捐活動，各位小朋友有多出的玩具，可以捐贈予有需要的小朋友。星巴克負責收集及安排運送。由十二月二十九日開始，只要將玩具包好，交到任何星巴克咖啡店，就可以送一個聖誕心意畀一個小朋友。
傳真︰2623-9278
電郵︰[email protected]