女為悅己者容，女人扮靚愈來愈多花巧，好似指甲美容都花款多多，喺杭州流行緊將自己喜歡嘅相片印係指甲上，好似圖中女孩嘅指甲就將球星碧咸個樣印上去，伸手就見到偶像。據美甲店主話，顧客可以自己帶喜歡嘅數碼相片前來，也可以喺店內即時拍照，然後將相片噴印係指甲上，成為獨一無二嘅圖案。