大馬檳城遊艇中心出現來自全球各地嘅風帆遊艇靠岸停泊盛況，呢啲遊艇係參加拉惹姆達國際賽船會嘅船隊；檳城係賽事第三個停泊站，參賽隊伍中包括香港著名富商龐輝。
龐輝係香港鋼鐵大王紹榮龐鼎元第二仔，六十一歲都重咁活躍。佢隻艇叫Boracay，係第一次參加國際賽。Boracay取名位於菲律賓中部阿卡蘭省（Aklan）的長灘島（Boracay）。長灘島曾被譽為世界七大美麗沙灘之一。
據報龐輝與帆船結緣正正始於馬來西亞。三十年前，龐輝同家人一齊去馬來西亞玩，一時興起租咗艘帆船。不料出海時整壞咗隻船。船主當時鬧佢笨，重話香港人根本唔識玩帆船。龐輝一氣之下，以原價兩倍買咗隻船，指明要船主親自教佢出海，從此與帆船結下不解之緣。
傳真︰2623-9278
電郵︰[email protected]