距離北京08年奧運還有大約兩年時間，中銀香港與VISA已經率先在港澳推出中銀VISA奧運版信用卡，卡面印有08年北京奧運會嘅會徽──「中國印．舞動的北京」。聞說要獲批用呢個「中國印」並非易事，中銀香港的母行中國銀行，本身是08年北京奧運會的銀行合作夥伴，爭取用呢個「中國印」自然容易啲啦。
中銀方面昨日舉辦了發卡儀式，儀式非常貼題，由於奧運馬術比賽將在香港舉行，發卡啟動儀式用馬鞍作為道具，主持儀式的嘉賓更獲贈北京奧運吉祥物福娃的公仔。值得一提的是，出席儀式的VISA代表柯如龍（圖右二）本身是外籍人士，卻說得一口流利的煲冬瓜，而且不用望講稿，高手！