Boy'Z成員張致恆（Steven）和麥子豪（Dennis）日前與同屬英皇的澎馬流浪球員文彼得，在西灣河學打高爾夫球。Steven勝在一點就明，更充當臨時教練，教表現僵硬的Dennis揮桿開球。
男子組合Boy'Z的張致恆和麥子豪，日前與同屬英皇的澎馬流浪球員文彼得齊到西灣河的港島高爾夫球中心，跟隨教練學打高爾夫球，雖然三人都是初哥，不過充滿運動細胞的文彼得聆聽教練指示後，發球姿勢非常正確，打得有板有眼。
充當師兄教拍檔
教練細心教三人打波，先着他們張開雙腿，球放於兩腿中間，雙眼集中看球，起初Steven揮桿練習時忍不住呱呱大叫，還坐到一旁邊捽背邊說：「條腰好攰呀。」Steven勝在一點就明，熱身一會已成功開球，相比之下Dennis就顯得全身僵硬，愈緊張就愈是打空氣。Steven竟以大師兄口脗重複教練訓示，並向Dennis說：「要兩隻腳分開啲，望住個波，唔使咁緊張，條腰直啲，唔好寒背。」可是Steven再打波時，教練即指他寒背。
貪玩亂揮高球棒
其後Steven愈打愈好，一臉繃緊的Dennis幾經艱辛，終於打中波，不過Steven仍不改貪玩本色，像儀仗隊隊員般把高爾夫球棍亂舞一通，教練見狀馬上制止說：「唔好咁樣啦，危險呀。」聽教聽話的文彼得在練球空檔時更向Boy'Z說：「我都想學MichaelJordan（NBA前籃球員米高佐敦），唔踢波打golf呀。」
採訪、攝影：娛樂突發組
