近年假網站多的是，不過大多是假冒銀行，近日就連鄭裕彤旗下嘅新創建都有人搞，噚日該公司喺報章刊登廣告，話得悉有不法之徒透過虛假網址www.hknws.com，冒充該公司官方網頁，並非法連接到真正嘅官方網頁套取部份內容，增強真實性，藉此行騙。而該公司之官方網頁正確網址應為www.nwsh.com.hk。
其實有人假借大公司名呃神騙鬼一啲都唔出奇，但新創建請咗前一哥兼特首細佬曾蔭培坐鎮，都有人敢太歲頭上動土，就真係唔識死。不過，母公司新世界發展都唔好得幾多，早排喺澳門先至有一家中英文名稱同為新世界發展有限公司的公司，喺當地舉行研討會，搞到香港新世界發展要發聲明劃清界線。都係嗰句，人怕出名豬怕肥。