一班名模包括樂基兒、Danielle和陳嘉容等前晚出席商場活動，大談如何慶祝聖誕。今年留港過節的樂基兒揚言「希望香港落雪」，而沐浴愛河的Danielle則戀愛至上，鑽石、禮物都不要，只要泰國男友相伴。
名模樂基兒、陳嘉容、Danielle與其胞弟等前晚出席中環IFC聖誕亮燈活動，眾人站在巨型聖誕樹前拍照，有說有笑，心情極好。
「佢係我鑽石」
曾與羅兆輝傳緋聞的混血女模Danielle近日忙於在內地及新加坡拍廣告，故甚少留港，對於還有一個月便到聖誕，她異常興奮地說：「我好鍾意聖誕節！細個嗰陣我屋企一定會擺聖誕樹，我重相信有聖誕老人㖭！」
Danielle續說：「𠵱家我一樣咁開心，今年會返馬來西亞過，我嘅特別聖誕就係我lover（情人），我男朋友Nikki，佢係泰國人，不過拍咗幾耐就唔講得畀大家聽！」問她可會想要鑽石做聖誕禮物？Danielle說：「Oh！我男友就係我鑽石啦，heissosweet！」
至於樂基兒則剪了及膊的髮型，並穿上一身Valentino鮮紅色晚裝出席活動應節，今年會留港度佳節的她說：「上個月返咗美國探家人，聖誕只會寄禮物返去，新年先再返美國。我今年最想要嘅聖誕禮物，就係香港落雪，有氣氛啲！」
試整火雞應節
樂基兒又謂會嘗試下廚學烹煮火雞，與朋友開派對慶祝，但她又說：「不過我冇心機整，一路煮一路玩，我諗我會冇胃口食。」
採訪：顏英儀
攝影：陳志嵐
