「我記得兩個月前，經過西環街市聽到佢係咁『喵喵』聲，後來喺一個魚桶搵到佢，佢好驚，一見人就咬，個頭重流緊血，好可憐！」愛貓狗如命的周惠康為拯救被社會遺棄的小生命，不惜出錢出力，還忍受被動物咬傷的皮肉之苦，年多前更自掏荷包，開設不設買賣動物的寵物店，同時收容被遺棄的動物供市民領養。
周惠康自幼愛好動物，小時養雞仔、貓仔，長大後卻愛在垃圾站流連，尋找流浪貓狗。其母親亦經常四處「執」流浪貓，現收養了兩隻流浪貓，其姊夫則收養了三十多隻被遺棄的鸚鵡、蜥蜴及龜等。
沙士收養250多隻動物
本來從事貿易生意的他，眼見沙士期間，許多市民因擔心災病「侵襲」，紛紛將寵物遺棄，他遂於年多前開設為動物洗澡及賣狗糧的寵物店，一年內收養了二百五十多隻貓、狗、倉鼠及白兔，共花了七萬多元醫治這批動物及配對合適的主人。
「唔理乜嘢天災、禽流感，啲人都唔應該將佢哋遺棄！SARS都好多人將啲貓狗遺棄，結果冇一隻狗染上SARS。」他說，經常替被遺棄的動物「撞名」，「我會叫佢仔仔、女女等中文名，之後就撞英文名小P、小B等，之後再撞點心名，蝦餃、燒賣等，次次都會撞中，佢哋好多連動作都識做。」
他表示要為替牠們找個好歸宿，他要求領養者留下姓名、聯絡方法，及隔一段時間拿相片來報告其近況。「如果領養嘅人係放喺店舖，我係唔會畀佢哋，因為咁無法照顧好啲動物！試過有一次，有個人領養我隻狗，我第二日打畀佢，佢又話送咗畀人，又無法提供聯絡人電話，於是我報警，佢先肯畀返隻狗我！」
他說很多人愛「呃狗」再轉售，故替動物揀主人時亦特別小心。他說近日在客人口碑下，許多人知道他愛動物，往往把欲遺棄的貓狗帶到其店內。
談及被遺棄的貓狗，周惠康一邊摸着在垃圾站拾回來的西施狗「仔仔」，和雙眼已盲的九歲松鼠狗，百般滋味地呼籲真心愛貓狗人士，不要買賣貓狗，應多收養被遺棄的動物。
記者 梁美寶