李蘢怡（Tiffany）前晚穿超低胸裝出席《雀聖2自摸天后》的首映，十分搶鏡，身為女主角的應采兒亦即時給比下去。Tiffany自爆早前曾跳脫衣舞，獲導演王晶賞識，決意捧她做張敏2號。
王晶導演、應采兒、元華、元秋與李蘢怡合演的《雀聖2自摸天后》，前晚在尖沙嘴海運戲院舉行首映，王晶對Tiffany讚不絕口，並表示準備為她開拍一部以脫衣舞為題材的電影，聲明要力捧她。
「今晚個個身材勁」
王晶認為Tiffany很似張敏，可以走性感路線，對於得王晶撐腰，Tiffany開心地說：「今晚你哋覺唔覺我個look似張敏呀？晶哥話有啲似佢，想我走佢嘅路線，所以今晚我係刻意扮張敏，遲吓晶哥會開拍一部性感戲畀我，其實佢係因為早排睇到我喺演藝人協會嘅萬聖節派對跳脫衣舞後，認為我可以走性感路線。」
在《雀》片應采兒才是第一女主角，但前晚在首映上，風頭卻被Tiffany搶盡，對此她笑說：「我覺得自己身材OK啦！其實今晚我身材都勁咗啲啦，明知今晚個個身材都咁勁，我已經做晒準備，免得嚟到冇晒面，咁Tiffany身材咁勁，好難同佢比，但我都好滿意自己嘅身材。大胸其實好辛苦，我覺得身材適中就得。」
高興鵬菲戀結果
早前李亞鵬在內地接受傳媒訪問時，曾公開感謝王晶，因為幾年前他接拍對方劇集時因受了傷，需要留在北京休養一段時間，更因此跟王菲培養出感情。前晚王晶聞言即笑說：「好閒啫！佢哋𠵱家咁好，我都戥佢哋開心。」
採訪：魯萍 攝影：何國豪
