盲人輔導會搞手牽手光明行慈善籌款，新鴻基地產義工隊，日前派出十名義工，為呢項活動提供協助，包括登記、派發證書及紀念品、同埋維持秩序等。講到話捐錢，當然係唔少得啦。 今次活動，盲人輔導會重請嚟藝人古巨基出席。至於捐款最多嘅一百位，喺行完全程後，重會得到安排，食番餐光明晚餐，等佢哋可以感受吓，視障人士到底係點樣進食嘅。