下個月就係世貿會議，除咗南韓農民外，原來連意大利農民都有興趣嚟香港示威！就喺湯家驊同歐盟官員傾公平競爭法期間，一大群意大利同西班牙農民，就喺歐盟總部外面聚集，出動埋棺材同斷頭台，抗議世貿同歐盟要歐洲各國政府，削減糖嘅收購價，影響佢哋生計。
有個意大利示威者同八方講，佢哋希望下個月嚟香港反世貿，雖然未必可以成行，但意大利農民一定有代表。
西班牙嘅示威者重激，掛咗張banner話佢哋會絕食抗議，可惜冇西班牙農夫可以用英文同八方溝通到，所以唔知佢哋會唔會嚟香港絕食。
另外，八方要同馬丁講聲唔好意思，八方噚日話馬丁坐頭等，原來佢只係坐商務客位。馬丁話，除咗有客畀錢佢坐飛機打官司之外，佢頂多都係坐商務，一定唔坐頭等喎！
傳真︰2623-9278
電郵︰[email protected]