銅鑼灣登龍街本是一條不起眼的小巷，整條街都是車房、五金舖、貨場，充滿後欄感覺。近年，小巷漸漸發展出一股新食力，演變成一條自成一國的食街，現在食肆、酒吧、卡拉OK林立，食完正餐，最好食埋甜品，所以，繼食肆相繼開業後，甜品店也在近半年進駐，大家不約而同，Sell健康，不會甜到膩。
記者：李淑芬
攝影：陳偉強
黃色多瑙河$30
夾住嚟食的，不是河粉，而是用蒟蒻粉加椰汁煮成的糕，然後切條而成的。蒟蒻纖維高，夠健康，爽口中帶軟腍，溝起鮮芒果汁來吃，口感很清新。
椰芒米餃$28
靈感來自陳家兩位公子，以餃子皮包椰汁黑糯米，入口時爽口，咬下時煙韌，食味不太甜。
炸雪糕$42/2個
炸雪糕外熱內冷，冰與火交融，外層脆口甘香，內裏軟滑，全數是四重口感。
絕色佳人$30
似是白色涼粉的顆粒，其實也是蒟蒻，但切成粒狀，口感又變得爽口，與蒟蒻河粉完全不同。
音樂老祖搞甜品
音樂老祖一向愛食，繼早前曾開私房菜及酒吧餐廳，現在更進軍甜品界。新開設的甜品店位於食街登龍街的中間位置，由時代廣場對面小巷穿出，行十數步便到。店子主理人其實是陳太Alvina：「阿Joe同我都好鍾意煮食，但大家煮同款食物，可能會有爭拗，所以他煮廣東菜，我煮新加坡菜及甜品。」
糖水甜品，其實都大同小異，我卻較欣賞那些設計獨特，又帶點北海道風情的玻璃器皿，滿有衝勁的Alvina邊做糖水邊說：「糖水間間都差唔多，所以我特別從內地買入一批靚嘅玻璃食具來盛載。」餐牌上六七十款甜品，以港式為主，也不乏自創的特色類別，而這些食物的設計靈感，原來緣自兩位公子：「有次做水餃畀佢哋食，佢哋就問，點解唔整埋甜品呀？於是便想到將黑糯米做餃子餡。」甜品老祖的出現，原來全靠陳家總動員的貢獻。
食客Ruby
用蒟蒻做甜品，好健康，加生果更似餐前開胃菜。
食客Amy
好鍾意啲甜品器皿，好有心思，亦令人增加食慾。
甜品老祖（28369988）
地址：銅鑼灣登龍街32號地下
營業時間：12:00nn-2:00am
研製新味花功夫
波波茶坊雖不是甜品店，但西式甜品種類多達16款，餐廳細細，產品奇多。開業一年，餐牌來個大改革，在正餐及小食方面都多加了新口味。餐後甜品也來個小變奏，在舊有的西式甜品中，加入不同味道。例如梳乎厘加入潤喉的柚子味，心太軟加入綠茶味，在研製時，也有一定難度，例如柚子蜜水份較重，焗梳乎厘時要講究濕度控制；綠茶心太軟主要用白朱古力加綠茶，難度同樣在於白朱古力的奶比例重，焗時會易爆裂。
綠茶心太軟$30
綠茶溝白朱古力做餡，沒有朱古力心太軟那麼甜膩。
柚子梳乎厘$32
以柚子蜜做梳乎厘，柚子條加添點點咬口。
波波茶坊（21559821）
地址：銅鑼灣登龍街14號地下
營業時間：12:00nn-11:30pm，星期五、六營業至1:00am
甜味自調夠健康
中式裝修的「糖人街」，位處街頭，賣的是中式甜品，開業四個月，不斷有新款食品推出。最近新作華田立克布甸、咖啡糕，將飲品化身成糕狀，夠諗頭。舊款糖水也夠吸引，芝麻糊每日新鮮炒，然後煲；番薯糖水薑味濃，番薯又夠腍，所以兩者都成為店中最受歡迎糖水。番薯更是日日賣清。店內全數糖水不預先加糖煲，為的是讓客人自行加入糖水，多甜少甜，悉隨尊便。
薑湯番薯糖水$12
番薯金黃色，色澤相當吸引，咬下時入口即溶；薑味特濃，冬天飲用更覺暖胃。
（前）楊枝甘露$23
（後）芒果忌廉豆腐花$22
（前）楊枝甘露$23
糖水底是即叫即打，以芒果汁做底，黏稠又清新。
（後）芒果忌廉豆腐花$22
附上忌廉奶隨意添加，香味與豆腐花互相影襯，也令豆腐花更滑溜。
華田立克布甸$13
華田味比好立克味突出，粒粒水晶珠，咬落啪啪聲，很爽口。
糖人街（28329227）
地址：銅鑼灣登龍街3號地下
營業時間：12:00nn-1:30am，星期五、六營業至2:30am。
註：每晚8:30pm-11:30pm為禁煙時段。
