張衞健噚日做新城節目嘉賓，宣傳新唱片，健仔話暫時會主力做唱片宣傳，所以唔會拍劇。問健仔有冇機會返無綫拍劇？健仔就話：「冇呢個打算，總之同無綫講錢就失感情，魚唔過塘就唔會肥！」不過健仔好強調同無綫關係依然好好，今次出唱片，有需要到有線電視做宣傳，事前都有打過電話畀陳志雲知會一聲，費事誤會。