昨早AACACOUSTIC(2018)有一宗大成交上板,合共2150萬股,每股4.375元,成交金額高達9406萬元。
Cookie話,呢手股份聽講來自主要股東減持,賣畀機構投資者。由於作價有折讓,而股價又已升超過細摩的目標價4元,市場以為有投資者趁高減持,拖累股價逆市跌2.66%至4.575元。公司主要業務是設計及產銷微型聲學器件,用於數碼影音產品,唔少芬佬幾睇好呢個市場長遠發展,所以唔使睇得太淡。
形容近期地產代理業務進入小寒冬的美聯(1200),噚日卻出現熱炒情況,股價勁升12.3%至3.65元,除咗因為加息周期可能提早完結外,原來有大芬OppenheimerFundsInc.(凱萬)增持,由6.63%增至7.3%。
i師傅話,美聯黃老闆近期頻頻同機構投資者接觸,分享對樓市嘅睇法,最近重同《彭博》成立「美聯729物業專訊」樓市資訊平台,發放樓市數據及分析資訊,看來美聯的形象有望提升至國際級數,若美聯能在國際投資者心目中建立形象,對其股價當然有好處。
真樂發傳斬倉
真樂發(1003)噚日再跌18%至0.106元,成交1047萬元,沽壓唔輕。此股已連跌三日逾22%。黑客話,據聞有大戶被追孖展,抵押股份遭拋售,但消息有幾堅就唔知。聯交所資料顯示,美林於11月18日以平均價每股0.12元持有真樂發1.5億股,相當於9.5%,由於資料有限,唔知呢個訊息對真樂發是好是壞?
黑客話,最近市場出現唔少追孖展情況,例如銀建(171)、中航興業(1110)及騰訊(700)連環斬倉事件,以上可能並非個別事件,因為本港拆息升咗唔少,炒家借錢炒股成本上升,最慘就係散戶嘅資金已移至交行(3328)、建行(939)及領匯(823)呢類大型新股身上。此外,唔少新股上市後潛水,股民寧願玩新股撈底,亦唔願炒賣一般二三線股,炒家難以沽貨套現。
阿虎