濠江樓市熱潮似乎未減退，當地新盤濠庭都會就賣得好快，發展商信德集團同埋合和發展話，第一期六百八十四個單位，甫推出就賣咗超過九成，平均呎價超過一千七百五十蚊，個別重賣到二千四百，成績都算唔錯。
個盤分三期興建，總共有一千七百八十八個單位，第一期明年第二季落成。
信德合和掂，中原都唔錯，中原地產澳門助理營業董事石寶德話，近排澳門有格蘭披治大賽同埋美食節活動，佢哋上個禮拜六日，趁唔少港人專程過江睇賽車，搞咗個氹仔雍景灣開放日，發展商委託出售十個單位，成功賣出三伙。
既然開放日有成效，今個禮拜六日實行搞多次，借機再催谷個盤，做多幾單刁。
電郵地址：[email protected]