一個「萬人會獎團」下年一月將會去泰國旅遊，係有史以來最龐大嘅大陸出境旅遊團。呢個團係由一家保健品銷售公司發起，該公司明年一月十八日會喺泰國舉行萬人年會，獎勵銷售成績優異嘅員工。𠵱家達到獎勵標準嘅人數已超過一萬。旅遊團將於明年一月十二日到十七日分批出發飛往泰國曼谷，並分多條線路觀光遊覽。