下月聖誕節，不少人喜歡趁這個假期到外地過白色聖誕，享受一下滑雪樂趣，不過，一般香港人到外地滑雪，也是抱着邊玩邊學的心態，事前對滑雪毫無認識，所以陳霽平趁機跟大家分享一些滑雪心得，希望大家學以致用，滑雪更添樂趣。
陳霽平日前到北角室內滑雪訓練場SlopeInfinity大顯身手，分享滑雪心得。她自爆首次滑雪時傷痕纍纍，她說：「我以前係喺美國讀書，十六歲嗰年，我跟同學去滑雪，雖然我有同學識得玩，由佢教我，但因為學嗰陣好驚，成日跌倒，玩咗三、四次先至上手。我記得有次同朋友滑雪嗰陣，睇住個同學對腳俾雪橇𠝹傷流血，諗番起真係好驚，大家玩嗰陣真係要注意安全。」
事前必先鬆筋
問陳霽平有甚麼滑雪心得？她說：「最好事前做運動warmup吓，唔好以為滑雪好輕鬆，其實呢種運動要花好大體力，事前唔鬆吓筋骨嘅話，好容易會扭親。」
至於入門技巧，陳霽平說：「最基本要學點樣停低同滑行，例如八字腳向出係滑行，八字愈大，速度就會愈快，而八字腳向內就會慢慢停，當然，記住對腳嘅重心要放喺內側先得！」
陳霽平續說：「如果跌低嘅話，記住將對腳同對雪橇打橫，用對腳食住啲力起番身，然後慢慢擺番個八字腳向內嘅動作，等企定咗之後，先至慢慢將對八字腳向外滑行，如果唔係，好容易再跌過。」
盼賞瑞士風光
陳霽平表示，她過往滑雪多是在美國和加拿大，目前她最希望到瑞士滑雪，見識一下瑞士嘅明媚風光。剛好陳霽平日前在台慶中贏得十萬港元儲蓄戶口，正好利用這筆獎金達成心願呢！
採訪：戴彩煥
攝影：陳偉權
髮型：AndyWongbyChin.G
場地提供：SlopeInfinity
