人大常委曾憲梓支持祖國航天事業，○三年成立咗個億元基金，楊利偉第一個攞咗一百萬，今年又會頒發五百三十萬，兩個太空人費俊龍同聶海勝各獲八十萬，以示鼓勵。神六訪港團星期日抵埗，曾憲梓一家約咗佢哋下周二飲早茶。
八方問呢位七十一歲老人想唔想睇到普選，佢話：「我希望睇到。」但係又即刻話要符合實際情況同循序漸進。問佢會有幾多人喺12.4上街？佢話自己唔會去，呢個係香港人嘅自由，不過佢估香港亂不了，方案唔通過亦冇乜大問題。總之曾常委問極都唔動氣，只係鬧馬丁有事應向中央反映。
傳真︰2623-9278
電郵︰[email protected]