玉，大家就見得多了，但一點八噸重嘅大玉，相信大家未必見過。中國著名嘅密玉產地河南省新密市牛店鎮助泉寺玉礦，噚日採出一塊高一點五六米嘅巨型密玉，玉體深綠，色澤鮮豔，質地上乘。聽講，塊玉還未正式估價，但佢係密玉開採以來，發現最大嘅一塊玉，體積如此大的玉，即使與其他玉種相比，亦非常罕見。若按市面約三十萬元（人民幣．下同）一公斤密玉計算，塊玉起碼值五億四千萬元。