琦琦昨日在金鐘示範BottegaVeneta價值二十二萬多元的限量版手袋。琦琦透露女兒晴佳成為大碼嬰兒，又進食有機食品保健康，沒有受回收奶品影響。
品牌BottegaVeneta昨日在金鐘專門店展示○六resortcollection，其中包括多個限量版手袋，如一個全球限量二百個的水蛇皮、袋鼠皮手袋、只在亞洲發售的銀色totebag等。名模琦琦和陳嘉容以新裝演繹新袋。
琦琦展示全港只得一個、價值二十二萬元的駱駝皮織皮手袋，穿雪紡裙的她露出胸前一點痣，記者笑她胸懷大志，琦琦說：「係呀，相士話我心地好，有時影專輯相，啲攝影師都話千祈唔好執走粒癦，因為sexy啲！」問到其女兒晴佳，琦琦即滔滔不絕，她謂囡囡及工人已注射流感疫苗，她自己卻沒有打針，琦琦說：「因為得兩支針，我諗住自己可以抵抗到，而老公就喺台灣打咗。」
乖女識單眼電人
琦琦續說：「醫生話佢係大碼BB，今日去玩gym，佢重學識單眼，可以電死啲老師！」提到雀巢公司回收嬰兒奶品，問琦琦可有影響？她說：「我BB食嘅全部都係有機食品，生果、蛋糕、餅乾都係，我係百分之百嘅勤力媽咪，每兩日就入一次貨，咁新鮮啲，唔擔心！」
此外，琦琦又謂今年聖誕計劃休息十日，飛往拉斯維加斯尋首飾設計靈感及欣賞CelineDion音樂會。
採訪：RitaLeung
攝影：ChenWaiOn
