證監會早年以「羊嫂」為題賣廣告，勸散戶不要單靠消息買股票，深入民心。噚日再有新猷，與香港電台第5台及救世軍合辦講故事比賽，邀請大眾投資者，利用約1000至2000字短文（中或英），或3至5分鐘錄音，講述自己的投資經驗，成功或失敗嘅都歡迎，最緊要故事有啟發性。
今次係證監會首度舉辦公開比賽，進行投資者教育；比賽分2個組別，第1組講投資港股，第2組講投資窩輪及其他產品。持香港身份證、年滿18歲便可參加，截止日期係明年1月16日，比賽結果會喺2月中公布。
證監會更誘之以利，兩組各設冠、亞、季軍，獎金依次是4000、2000及1000元；兩組各有7名優異獎將獲紀念品。得獎作品有機會被改編為廣播劇或喺報章上刊載。參賽者可遞交超過1份作品，但得獎者只會獲獎1份。