名模陳沛嘉（Balia）與現職商人的前演員彭文堅拍拖，前晚她出席珠寶活動時，透露已計劃將來，更不諱言願意將所有私己錢換真心真愛。
名模Rosemary、陳沛嘉和馬詩慧，以及城中富豪鄭裕彤和蔡志明等，前晚在金鐘出席恒和珠寶三十周年慶典。Balia示範鑽飾時，透露自己是時候計劃將來，她說：「好多models都有自己家庭啦，我都要為自己安排將來，有錢都會買吓首飾保值。」
毛公仔定情
Balia謂現時與男友彭文堅屬了解階段，但提起對方時也難掩興奮之情，問Balia可是財政獨立？她說：「好多女人都有私己錢，我可以將我所有私己錢畀佢，只要佢係畀個心我就得！」問她如此大方，男友可有送贈過首飾時，她說：「我哋相處日子唔多，我唔會期望囉，佢送乜嘢畀我都開心，我哋好似小朋友咁，係送毛公仔做定情信物，媽咪就有送紅寶首飾畀我。」Balia還透露常以彭文堅曾扮演的角色如「陳家洛」稱呼男友。
早前Balia與一眾名模做騷時，有指一起排擠同場是非多多的周倩圯，Balia對此說：「我冇留意傳媒寫乜，我哋平時見到面都會打招呼，大家同一時間出道，但冇深入了解同認識。」
錯過新人獎
而Rosemary則謂新碟將延至下年初才面世，變相錯過今年新人獎，Rosemary說：「唔怕，新人獎年年都有，我咪參加○六年囉！」
採訪：JessicaNgan
攝影：HoKwokHo
