要在商界成功有何要訣？且聽兩家上市公司執行董事的分享。
東亞銀行執行董事彭玉榮認為係「性格」，因為工作牽涉如何與上司、同輩、下屬等溝通及交往；他更認為，性格可以決定命運，他本人就認識一些很能幹的朋友，他們甚至是一級榮譽畢業，但無奈仍然失業、在工作上未能取得成就，箇中原因應該是性格問題。
喺龍頭中資機構中信泰富做執行董事嘅外籍人士莫偉龍又點睇呢？佢話首要的係喺一己所長之上建立技巧，然後努力喺專長之處取得成績；再者，由於商業社會容易讓人迷失，因此年輕人要有清晰的道德觀念；最後就係喺待人接物上，持謙虛的態度。
不過，始終都係中國人講求實際。被問及在求職面試中取勝又有何要訣時，彭玉榮語重心長咁話：「最好不要諗公司有嘢學，因為別人是請你回來……」想入東亞工作的朋友便要留意了。
今年4月份，身兼中大校友的彭玉榮，曾經對闖進中大評議會校友討論會會場的中大學生說：「Iwilluseallmypowernottoemployyou！(我會用盡我的力量不聘請你)」，他當時更指，會發動中環區的校友，把曾任中大學生會的幹事列為黑名單及不予聘用。彭玉榮其後為其言論公開道歉。
李華華