李逸朗（Don）學了冰上曲棍球一年，雖然練習時曾撻個四腳朝天、屁股開花，又熱到大汗淋漓，但為追求速度感和貪有型，阿Don仍樂於夾在冰火中求一快。
李逸朗去年隨朋友學打在美、加極其流行的冰上曲棍球（Icehockey），由於香港沒下雪季節，故不少冰球友均愛在西九龍中心室內冰場聚集，大鬥球技。日前Don和教練及隊友齊到冰球場練習，雖然身穿又厚又硬的戰衣，但因冰賽講求速度，體力消耗甚大，故雖身處零度低溫，但不消一會已熱得汗流浹背。
「打冰球好型」
Don說：「以前我都有喺冰球場睇人打波，覺得好刺激，後來我又跟朋友玩吓，久唔久參加吓，到𠵱家都大約一年，其實我一向鍾意運動，特別係團體活動，打冰球好型、好有速度感，係一個挑戰，喺外國好流行㗎，香港就重係冷門，我好想做頭一批成員提倡呢項運動，等多啲人知道呢項新運動係好好玩同好刺激嘅。」
屁股最當災
Don表示自習冰球以來，暫時都未受過傷，但四腳朝天、屁股開花卻是等閒事，他笑說：「我好小心嘅，有時會凌空跳起，跌親屁股，但冇乜嘢，因為我唔係正式比賽嘅球員，正式落場嗰啲球手就撞得勁啦。」
採訪：朱倬誼 攝影：林德雄
冰球服裝及護具：香港業餘冰球會
