今季長靴熱爆，要型要潮，女生們點都有對守門口，分分鐘未入冬已狂掃幾對。之但係靴筒咁長，就咁堆埋一邊好易變晒形，加上皮靴難打理，唔好好清潔同保養，着得幾次就已經變得殘殘舊舊兼發臭！想今個冬季Keep住都有靚靴着，一於由如何安置好佢哋開始入手！
記者：葉靜君
攝影：周旭文
模特兒:Crystal
存放篇
長靴係咁多款鞋之中最難存放嘅一種，靴筒長好嘥地方，若遇上靴身質料軟，靴身容易變形。以下示範呢幾個擺靴方法，唔單止令啲靴無咁易變形，而且又夠慳位。
垃圾膠樽變靴架
鞋櫃未必放得落啲長靴，但就咁擺埋一邊堆到亂晒龍要搵就難；查實，飲完汽水或果汁剩低的大膠樽可以循環再用，長樽身正好撐起靴筒，將一排膠樽黏在木板，更可插上幾對長靴，而呢個方法較適合中筒靴。
材料
1.5公升膠樽 4個
花紙 1卷
麻繩 2碼
喱士絲帶 1碼
紅豆、綠豆、黃豆 各2磅
50×20cm木板 1塊
步驟
小貼士：膠樽注入豆類，可作裝飾又有重量，插上靴後無咁易連樽倒下，夠晒穩陣。
塞水樽定靴形
愈長的靴，愈容易變形走樣，可將膠樽或薯片罐直接塞入靴內，撐起靴筒以固定其形狀。
上吊最慳位
先在牆身或門後裝上掛勾，然後用大文具夾夾着靴筒的頂部，便可將整對靴掛在勾上；最好於夾位加塊厚紙或布，避免皮料被夾至出現凹痕。
衣架至啱掛中靴
衣架夠硬身，屈曲後套入靴內，可固定靴形；衣架屈曲後的長度，用來撐中筒靴就剛剛好。
清潔篇
長靴大致有天然真皮如牛皮、羊皮，另有猄皮和人造皮，當然唔少得今季勁熱的毛毛靴，而不同質料有不同清潔方法，懂得打理對靴就Keep得更靚！
真皮 爛絲襪擦令鞋身
猄皮 吸塵機除塵
猄皮最容易黏塵，可用吸塵機附送的小刷頭將鞋上的污垢擦掉，然後開着吸塵機，吸走鞋上的灰塵。
毛毛 爽身粉拈走污垢
在毛毛部份灑上爽身粉後，用軟刷掃走粉末，污垢會連同粉末一併掃走，之後用乾毛巾抹淨便可。
除臭篇
雙腳被皮靴包到冚，焗住晒想唔臭都幾難；坊間有不少鞋靴除臭劑，除了除臭外，還有吸濕及抗菌的效用；而食用的茶葉同梳打粉亦有除臭功效，成份夠天然。
陣陣茶葉香
茶葉有吸味功效，用絲襪包裹茶葉放入靴內，最少放置一晚才見效。
梳打粉天然辟臭
梳打粉可吸走臭味同濕氣，令鞋櫳更加舒爽！
酒精消毒兼去臭
將酒精倒在布上，抹拭鞋櫳，酒精可帶同臭味揮發，亦有消毒作用。
抗菌除臭劑
售賣點：實惠（29265200）
地址：紅磡黃埔花園12期商場地下G5-6號舖
